Propostas de traballo para o alumnado de 5º

RECOMENDACIÓNS PARA O ALUMNADO DE 5º

Estimadas familias:

Debido á situación extraordinaria na que estamos, queremos indicarvos unhas sinxelas pautas e recomendacións para o bo uso da tecnoloxía e a titorización e regulamento do traballo dos vosos fillos.

• Imos traballar empregando a plataforma Eva. Procuraremos manter  o horario das materias de clase (por exemplo se o voso fillo ten o luns matemáticas e sociais serán sobre esas materias nas que deba traballar).
• As tarefas colgaranse en CLASSROOM (plataforma de GOOGLE que xa coñecedes) cada día e marcando ademais os tempos de execución e entrega.
• Solicitamos a vosa colaboración para supervisar as tarefas que entregan e se cumpren os tempos de execución, sobre todo para evitar o abuso no uso de Internet (non para corrixilas que o faremos as titoras, só  asegurádevos que as fan).
• Só usaremos classroom, ningunha outra aplicación, nin videoconferencias grupais. Somentes os profesores empregaremos videotitoriais, se fose necesario, para dar explicacións teóricas aos nenos.